കേരള വ്യാപാരി വ്യവസായി എകോപന സമിതി മണ്ണാർക്കാട് യൂണിറ്റിന്റെ നേതൃത്വത്തിൽ അനുമോദന സദസ്സ് സംഘടിപ്പിക്കുന്നു, ജൂലൈ 12 ഞായറാഴ്ച നടക്കുന്ന പരിപാടിയിൽ ഓപ്പറേഷൻ തൂഫാന് ഐക്യദാർഢ്യം പ്രഖ്യാപിച്ചുകൊണ്ട് നടത്തിയ ഫുട്ബോൾ മത്സര വിജയികൾക്കുള്ള സമ്മാന വിതരണവും നടക്കും. മണ്ണാർക്കാട് റൂറൽ സർവീസ് സഹകരണ ബാങ്ക് ഹാളിലാണ് KVVES മണ്ണാർക്കാട് യൂണിറ്റിന്റെ അനുമോദന സദസ്സ് മികവ് 2026 നടക്കുന്നത്. ഞായറാഴ്ച ഉച്ചക്ക് 2 മണിക്ക് നടക്കുന്ന പരിപാടിയിൽ വിവിധ പരീക്ഷകളിലും മേഖലകളിലും വിജയം നേടിയ പ്രതിഭകളെ അനുമോദിക്കും. വിദ്യാഭ്യാസ മന്ത്രിയും മണ്ഡലം MLA യുമായ എൻ. ഷംസുദ്ദീന് സ്വീകരണവുമൊരുക്കും. മണ്ണാർക്കാട്ടെ മുഴുവൻ വ്യാപാരികളെയും ഓപ്പറേഷൻ തൂഫാൻ വാരിയേഴ്സ് ആയി ചടങ്ങിൽ പ്രഖ്യാപിക്കുമെന്നും ഭാരവാഹികൾ പറഞ്ഞു. യൂണിറ്റ് പ്രസിഡന്റ് രമേഷ് പൂർണ്ണിമ, ഷമീർ യൂണിയൻ, ആബിദ്, NR സുരേഷ്, ജോൺസൺ, ഷമീർ കിങ്സ് തുടങ്ങിയവർ വാർത്താസമ്മേളനത്തിൽ പങ്കെടുത്തു.
